2010-06-28 20:58:31 |
Post #51
Re: 【流逝的时间,永远的记忆】 --T 060 继续 ... |
牛毛 牛 |
Re: 【流逝的时间,永远的记忆】 --T 060 继续 ...
雷德幻象 wrote: 为左支持本土文化同埋粤语,劲撑你......... 点解个日行街唔见你地架? 因为我带完距地去签到,陪距地行左下东山口三个点就翻左教堂了,琴日我地教堂有赞美会,你见唔到我开心网上面记录写今年我唔参加发现广州咩?! 呢个深度发现作业,系中午做完赞美会,大家仲系到周街扑去稳点影相,我就开始做咖啦!! 因为我基本上无得行,所以我琴日无带相机去,全部相都系其他队员个到,要今晚收左,整理完,听晚先发得。 各位期待睇PP既DXJM,唔该等多一晚啦! 我绝对唔好呃你D分既,一定交足功课!! |
---------------------------------------- |
|
2010-06-28 21:01:48 |
Post #52
Re: 【流逝的时间,永远的记忆】 --T 060 继续放牛 |
行走在天涯 | 等D功课交完先,再看努力程度比分,嘿嘿 |
---------------------------------------- |
|
2010-06-28 21:03:17 |
Post #53
Re: 【流逝的时间,永远的记忆】 --T 060 继续 ... |
牛毛 牛 |
行走在天涯 wrote: 等D功课交完先,再看努力程度比分,嘿嘿 你都无睇过我前面个D野就甘写,我好伤心啊,你点补偿比我啊?! |
---------------------------------------- |
|
2010-06-28 21:15:07 |
Post #54
Re: 【流逝的时间,永远的记忆】 --T 060 继续放牛 |
哭泣的灵魂 | 第一句有意思``DIDI震``` |
---------------------------------------- |
|
2010-06-28 21:28:18 |
Post #55
Re: 【流逝的时间,永远的记忆】 --T 060 继续 ... |
牛毛 牛 |
哭泣的灵魂 wrote: 第一句有意思``DIDI震``` 友人建议我将``DIDI震``注册商标申请专利。 |
---------------------------------------- |
|
2010-06-28 21:46:21 |
Post #56
Re: 【流逝的时间,永远的记忆】 --T 060 继续放牛 |
kanina_p | 睇得出牛牛功课做得好用心,支持! |
---------------------------------------- |
|
2010-06-28 21:54:29 |
Post #57
Re: 【流逝的时间,永远的记忆】 --T 060 继续 ... |
楚楚广州 |
很用心的功课 谢谢分享 |
---------------------------------------- |
|
2010-06-28 22:02:05 |
Post #58
Re: 【流逝的时间,永远的记忆】 --T 060 继续 ... |
牛毛 牛 |
kanina_p wrote: 睇得出牛牛功课做得好用心,支持! 点解支持完无加分既? |
---------------------------------------- |
|
2010-06-28 22:26:59 |
Post #59
Re: 【流逝的时间,永远的记忆】 --T 060 继续放牛 |
szhippo |
支持粤语写作! 加咗5分,鼓励一下 |
---------------------------------------- |
|
2010-06-28 22:45:03 |
Post #60
Re: 【流逝的时间,永远的记忆】 --T 060 继续 ... |
牛毛 牛 |
szhippo wrote: 支持粤语写作! 加咗5分,鼓励一下 原来呢个系你 ID 啊,我终于知道啦!! |
---------------------------------------- |
|
2010-06-28 22:50:56 |
Post #61
Re: 【流逝的时间,永远的记忆】 --T 060 继续放牛 |
牛毛 牛 |
http://www.google.cn/music/song?id=Se43702d4deb8b6d9&rview=share 细佬歌 肥仔个头,大过五层楼,肥仔只手,细过荷兰豆,肥仔个丿丿喔痘痘。 琴晚有个同学话,我细细个个阵口UP UP既童谣,距无听过,甘岩先肥仔呢个头,点都应该听过拉呱。 其实,每个地方既小朋友,从细到大,总会学到当地唔少歌仔。童谣即系小朋友最早接触到既文学样式,是传唱系小朋友之间既无乐谱既歌谣。从我地细细个牙牙学语,屋企D长辈TUM我地训,一路到我地读幼稚园,同D朋友仔一起唱一起玩,童谣系陪伴我地成长既亲密至交。到呢家,究竟你仲记得几多首细个个阵学过既歌仔?今晚,就等牛牛老师同大家一起复习下先啦。 点虫虫 点虫虫,/ 虫虫飞,/ 飞到荔枝基。/ 荔枝熟,/ 摘满屋;/ 屋满红,/ 伴住个细蚊公。 点虫虫 点虫虫,/ 虫虫飞,/ 飞到荔枝基。/ 荔枝熟,/ 无定仆,/ 仆落阿仔个鼻哥窿。 凼凼转 凼凼转,/ 菊花圆,/ 炒米饼,/ 糯米团。/ 亚妈叫我睇龙船,/ 我唔睇,睇鸡仔。/ 鸡仔大,/ 捉去卖。/ 卖得几多钱?/ 卖得三百六十钱。 摇篮曲 嗳姑乖,/ 嗳大姑仔嫁后街。/ 后街有哋乜嘢买? / 有哋鲜鱼鲜肉买。/ 鲜花戴,/戴唔晒,/ 丢落牀頭畀个老鼠拉,/ 一拉拉去隔条街。/ 隔街有哋乜嘢买,/ 有哋鲜鱼鲜肉买,/ 鲜花戴,戴唔晒,…… 路好行 行,/ 行,/ 行,/ 行到街边拾个橙。/ 橙好食,/ 路好行。 鸡公仔 鸡公仔,/ 尾高高,/ 养儿养女唔好咁心粗。/ 唔好心肝唔好,就唔记得父母嘅功劳。 拍大髀 拍大髀,/ 唱出歌,/ 人人话我冇老婆,/ 嘀起心肝娶番个,/ 有钱娶个娇娇女,/ 冇钱娶个豆皮婆。 / 豆皮婆,/ 食饭食得多,/ 痾屎痾两箩,/ 痾尿冲大海,/ 痾屁打铜锣。 月光光 月光光,/ 照地塘;/ 年卅晚,/ 摘槟榔;/ 槟榔香,/ 摘子姜;/ 子姜辣,/ 买菩达;/ 菩达苦,/ 买猪肚;/ 猪肚肥,/ 买牛皮;/ 牛皮薄,/ 买菱角;/ 菱角尖,/ 买马鞭;/ 马鞭长,/ 起屋樑;/ 屋樑高,/ 买张刀;/ 刀切菜,/ 买箩蓋;/ 箩蓋圆,/ 买只船;/ 船沉底,/ 浸死两个番鬼仔,/ 一个蒲頭,/ 一个沉底。 排排坐 排排坐,/ 食果果。/ 猪拉柴,/ 狗烧火。/ 猫儿擔凳姑婆坐,/ 坐烂屎唿咪赖我。 黐塘虫尾 黐塘虫尾 ,/ 塘虫尾 飞,/ 飞到菜田基。/ 田基有条蛇,/ 吓嚫你两仔爷。 丫蝉喊 丫蝉喊,/ 荔枝熟,/ 阿婆喊,/ 买豬肉,/ 大人喊,/ 俾滚水渌,/ 细蚊仔喊,/ 俾米升焗。 卖懒 卖懒,/ 卖懒,/ 卖到年年三十晚,/ 人懒我唔懒。 白榄仔,暗暗香 白榄仔,/ 暗暗香,/ 大哥买归阿嫂尝。/ 阿嫂唔尝,畀过细姑娘。/ 姑娘得食随街唱,/ 果然大嫂锡姑娘。 落雨大 落雨大,/ 水浸街。/ 阿哥担柴上街卖,/ 阿嫂教我做花鞋。/ 花鞋花袜花腰带,/ 一串珍珠两边排。/ 有钱打对铃啉鼓,/ 冇钱打个石榴牌。 落大雨 落大雨,/ 去睇灯,/ 唔见花鞋共手巾,/ 边个执到畀番我,/ 买盒细茶谢你恩。/ 个条手巾唔打紧,/ 个对花鞋值万银。/ 鞋頭种得三竿竹,/ 鞋尾种得一箩姜,/ 中间起得一层楼。 鸡公仔,尾弯弯 鸡公仔,/ 尾弯弯,/ 做人新妇甚艰难。/ 早早起身都有话晏,/ 眼泪唔乾入下间。/ 下间有个冬瓜仔,/ 问过安人煮定蒸。/ 安人话煮,老爷又话蒸,/ 蒸蒸煮煮唔中意。/ 大揸拉盐佢话淡,/ 手甲挑盐又话咸。/ 三朝打烂三条夾木棍,/ 仲话:咁好花裙俾你跪到烂,/ 咁好石头俾你跪到崩。/ 横又难,直又难,/ 不如捨命落阴间。/ 人话阴间条路好,/ 我话阴间条路好艰难。 猜呈沉 呈沉剪,/ 呈沉包,/ 呈沉糯米叉烧包;/ 老鼠唔食香口胶,/ 要食豆沙包。 捉大贼 点兵兵,/ 点贼贼;/ 点着边个做大兵,/ 点着边个做大贼。 踩脚趾 咚啄,/ 酸姜,/ 你阿嫲,/ 缠脚娘。 劈友 劈友,/ 劈友,/ 快啲走。/ 走得快,/ 好世界。/ 走得嚤,/ 无鼻哥。 捞鱼仔 花手巾,/ 真引人,/ 基边捞鱼好过瘾;/ 一兜一条好手运,/ 千祈唔好捞着扮。 飞石仔 勾鼻鬼,/ 正死仔,/ 一入广东乱咁嚟,/ 杀人放火以为威。/ 点不知,/ 有嘢睇,/ 遇着陈棠就飞石仔,/ 打到佢爬喺地下要食泥。 萝卜头 萝卜头,/ 点豉油,/ 点得多,/ 咸过头,/ 点得少,/ 淡谋谋。/ 佢以为,/ 好正斗,/ 点不知,/ 俾人踢罗柚,/ 一踢踢到西门口。 卖白榄 沙榄啵,/ 茶窖货。/ 一分钱,买两个。/ 唔好食,咪逗货!/ 食落爽甜无渣啵,/ 食过好食呢--再嚟就买过。/ 沙榄,茶呀 茶窖货-- 收卖佬 烂铜烂铁,/ 收买烂铜买烂锡。/ 烂锑罉、烂铜煲、锑煲,/ 烂烂都买。/ 有乜玻璃酒樽旧嘅药水樽,/ 有乜铜仙镍币,书纸报纸旧嘅新闻纸,/ 有就趁贵拎嚟卖嘞-- 街头草药 家有两面针,/ 唔怕拳头打入心,/ 若然被人错打嚫,/ 立用大小二还魂。 卖武行 咚咚砰!/ 咚咚砰!/ 伙记慢打锣。/ 打得锣多锣吵耳,/ 打得更多夜又长…… 游龙舟 龙舟舟,/ 出街游。/ 姐妹行埋莫打斗,/ 封封利事责龙头。/ 龙头龙尾添福寿,/ 老少平安到白头。 龙舟歌 龙舟龙舟,/ 游呀游游。/ 游到你家门口,/ 它摆尾又点头,/ 祝你家有福禄寿:/ 福到你家子孙平安,/ 禄到你家财源又有,/ 寿到你家老人童颜白发,/ 后辈人仔乐无忧。 艇仔粥 嚟嘞!/ 好靓艇仔粥!/ 食啰 --有鱼有虾又有肉,/ 靓粥滚去又一渌,/ 唔使蒸呢唔使焗,/ 八宝靓味口有福。/ 君食一碗艇仔粥呢,/ 祝你过河行桥有好木,/ 君走出门遇乡里,叫亚叔。/ 若然过南洋呢口爷 -- / 揾钱返嚟,起一间龙凤大屋。/ 嚟嘞--食返一碗艇仔粥。 飞机榄 飞机榄,/ 飞机榄,/ 一飞就飞落你天棚。/ 你唔使劳 嘈 唔使喊,/ 银纸丢落嚟,/ 和味嘅飞机榄,/ 落到你肚腩。 花生肉 花生肉,/ 南乳肉,/ 重好食过焗腊肉。 猜呈沉 呈沉剪,/ 呈沉包,/ 呈沉糯米叉烧包,/ 老鼠唔食香口胶,/ 要食豆沙包。 凼凼转 凼凼转,/ 菊花圆,/ 炒米饼,/ 糯米团。/ 亚妈叫我睇龙船,/ 我唔睇,/ 睇鸡仔,/ 鸡仔大,/ 拎去卖。/ 卖得几多钱?/ 卖得三两钱,/ 得来买膏又买盐。/ (卖得三百六十五个仙。) 捉大贼 点指兵兵,/ 点指贼贼,/ 点着谁人做大兵,/ 点着谁人做大贼。 骑牛牛 骑牛牛,/ 牛牛走,/ 牛牛向前咪回头,/ 若然回头就打箩柚。 咕噜咕噜 咕噜咕噜一,/ 咕噜咕噜二,/ 咕噜咕噜三,/ 准备开炮打敌人! 挑花篮 手指仔,/ 挑花篮,/ 穿来织去变化多;/ 有鱼有虾样样变,/ 我挑你挑赛神仙。 卖懒 卖懒,/ 卖懒,/ 卖到年卅晚,/ 人懒我唔懒。 扯大缆 一二三,/ 三二一,/ 肥婆跳舞,/ 顶第一。 过天梯 过天梯,/ 虾矮仔,/ 人在东来佢在西,/ 唔怕米贵最怕矮。 黐塘尾(蜻蜓) 黐塘尾,/ 塘尾飞,/ 飞到菜田基,/ 田基有条蛇,/ 吓亲你地两仔爷。 路好行 行,/ 行,/ 行,/ 行到街边拾个橙。/ 橙好食,/ 路好行。 拍大髀 拍大髀,/ 唱山歌,/ 人人话我冇老婆,/ 嘀起心肝娶番个,/ 有钱娶个娇娇女,/ 冇钱娶个豆皮婆。 / 豆皮婆,/ 食饭食得多,/ 痾屎痾两箩,/ 痾尿冲大海,/ 痾屁打铜锣。 月光光 月光光,/ 照地塘;/ 年卅晚,/ 摘槟榔;/ 槟榔香,/ 摘子姜;/ 子姜辣,/ 买萝卜;/ 萝卜苦,/ 买猪肚; / 猪肚肥,/ 买牛皮;/ 牛皮薄,/ 买菱角;/ 菱角尖,/ 买马鞭;/ 马鞭长,/ 起屋樑;/ 屋樑高,/ 买张刀;/ 刀切菜,/ 买箩蓋;/ 箩蓋圆,/ 买只船;/ 船沉底,/ 浸死两个番鬼仔。(一个蒲頭,一个沉底。) 排排坐 排排坐,/ 吃果果,/ 猫衣担凳比姑婆坐,/ 坐烂个屎忽,/ 唔好赖我,/ 赖番隔离个二叔婆 丫蝉喊 丫蝉喊,/ 荔枝熟,/ 阿婆喊,/ 买豬肉,/ 大人喊,/ 俾滚水渌,/ 细蚊仔喊,/ 俾米升焗。 白榄仔,暗暗香 白榄仔,/ 暗暗香,/ 大哥买归阿嫂尝。 / 阿嫂唔尝,/ 畀过细姑娘。/ 姑娘食完周街唱,/ 佢话大嫂锡姑娘。 落雨大 落雨大,/ 水浸街。/ 阿哥担柴上街卖,/ 阿嫂出街着花鞋。/ 花鞋花袜花腰带,/ 珍珠蝴蝶两边排。 落雨大 落雨大,/ 去睇灯,/ 唔见花鞋同手巾,/ 边个执到畀番我,/ 买盒靓茶谢你恩。/ 果条手巾唔打紧,/ 个对花鞋值万银。/ 鞋頭种得三杆竹,/ 鞋尾种得一箩柑,/ 中间起得一层楼,/ 大个可以玩结婚。 鸡公仔,尾弯弯 鸡公仔,/ 尾弯弯,/ 做人新妇甚艰难。/ 早早起床都话晏,/ 眼泪未乾入田间。/ 田间有个冬瓜仔,/ 问过夫人煮定蒸。/ 夫人话煮,/ 老爷又话蒸,/ 蒸蒸煮煮唔中意。/ 大揸拉盐佢话淡,/ 手甲挑盐又话咸。/ 三朝打烂三条夾木棍,/ 仲话:/ 咁好花裙俾你跪到烂,/ 咁好石头俾你跪到崩。/ 横又难,/ 直又难,/ 不如捨命落阴间。/ 人地话阴间条路会好行,/ 我话阴间条路也甚艰难。 踩脚趾 咚啄,/ 酸姜,/ 你阿嫲,/ 缠脚娘。 劈友 劈友,/ 劈友,/ 快啲走。/ 走得快,/ 好世界。/ 走得嚤,/ 无鼻哥。 捞鱼仔 花手巾,/ 真引人,/ 基边捞鱼好过瘾;/ 一兜一条好手运,/ 千祈唔好牟(蹲)到头都晕。 飞石仔 勾鼻鬼,/ 正死仔,/ 一入广东乱咁嚟,/ 杀人放火以为威。/ 点悟知,/ 有嘢睇,/ 遇着陈棠就飞石仔,/ 打到佢爬喺地下要食泥。 鼻涕虫 阿猪仔,/ 流鼻涕,/ 眼大大,/ 嘴细细,/ 一二三四唔扭计。 斗柑 “篾”开柑,/ 数柑核,/ 边个核多就边个得,/ 吾准赖猫甘缩骨。 跳橡筋 董存瑞,/ 十八岁,/ 为国牺牲炸堡垒,/ 炸到敌人卜卜脆,/ 全国人民流眼泪。 掟砖头 掟砖头,/ 斗大够,/ 一掟掟到西门口,/ 溅起浪花抛浪头。 月光光 月光光,/ 照地堂,/ 虾崽你乖乖睡落床,/ 听朝(明天)阿妈要捕鱼虾啰,/ 阿爷睇牛要上山坡,/ 哦哦哦...... 阿崽你快高长大啰 / 帮手阿爷去看牛羊, / 哦哦哦...... ,/ 月光光,/ 照地堂,/ 虾崽你乖乖睡落床,/ 听朝(明天)阿妈要捕鱼虾啰!/ 阿嫲织网要织到天光,哦哦哦...... ,/ 虾崽你快高长大啰 / 撑艇撒网就更在行,/ 哦哦哦...... 伏垒垒 一就预备,/ 二就垒埋,/ 三就开盘,/ 四就嚟到,/ 伏到算数。 估手指 估手指,/ 要估中,/ 边个吾中,/ 就吾中用,/ 裤浪底穿个窿。 打波子 大眼鸡,/ 咸鱼头,/ 你屙尿,/ 吾洗手。 碌铜仙 碌铜仙,/ 打铜钱,/ 全凭眼界手出先,/ 叮响铜钱俾个仙。 打泥炮 打泥炮,/ 泥炮响,/ 吾使揸枪上战场。 飞麻鹰 折纸机,/ 麻鹰飞,/ 飞来飞去吾落地,/ 因为麻鹰有条尾。 趿跛跛 趿跛跛,/ 跳跳脚,/ 咚咚咚,/ 上跳下跳似麻雀 撞跛脚 趿跛跛,/ 跛佐蹄,/ 无米煮,/ 煮泥沙,/ 无屋住,/ 住楼梯,/ 楼梯有只鬼,/ 吓到你钻落床下底。 顶手掌 伸长手,/ 顶手掌,/ 死人都要顶硬上,/ 依牙崩哨猫甘样。 斗远 斗远掟石头,/ 因住咪甩手,/ 石头最无眼,/ 掟亲吾好眼泪流。 咬蔗须 咬蔗须,/ 要睇毛,/ 短毛输,长毛赢,无毛果个悟算数。 赖尿虾 赖尿虾,/ 炒冬瓜,/ 炒吾熟赖阿妈,/ 阿妈生着你哨牙,/ 成日刨西瓜;/ (阿妈生着你哨牙,落雨唔驶怕。) 游戏 好波,/ 二比零,/ 三文鸡,/ 四毫四,/ 六只妈娄(猴)七条尾,/ 十个老婆擒住你 哄细路 又喊又笑,/ 乌蝇打醮,/ 蠄蟧攋尿,/ 老鼠行桥,猫咿偷笑。 西園菱角 西園菱角兩頭尖,/ 菱角落塘卖八仙。/ 八仙散落珍珠粒,/ 珍珠跌落繡珠蓮; / 菱角紅還著綠, / 金橘著青李著黃, / 金橘大過菠蘿漢, / 今晚慈菇坐歌堂;/ 三更鼓,/ 閂閘時,/ 龍眼過園偷荔枝; / 菱角擔槍來打你,/ 嚇得油柑碌墮地; / 白欖聽得嫌熱氣, / 香椽煮錯賴黃皮。 姑丈擔凳 姑丈擔凳个仔坐,/ 个仔坐落就湯雞。/ 雞系門前喔喔啼, / 不如湯隻鴨; / 鴨又嫌佢毛多多,/ 不如湯隻鵝。/ 鵝又嫌佢鵝頸長,/ 不如湯隻羊; / 羊又嫌佢羊腳叉,/ 不如湯隻馬。 / 馬會送我出渡頭, / 不如湯隻牛; / 牛會耕田養人口, / 不如湯隻狗。 / 狗會见人就摇头, / 不如湯隻大花貓;/ 貓兒又會捉老鼠,/ 不如湯隻大肥豬。/ 肥豬食你三斗祿,/ 你就食佢三旧肥豬肉。 小花貓 小花貓,/ 貓!貓!貓! / 會叫又會跳, / 日裏逗著寶寶笑,/ 夜裏不跳也不叫, / 靜靜守鼠洞,/ 老鼠出來要求饒! 金欖核 金欖核,/ 兩頭尖, / 大哥留妹過新年, / 留來留去留唔住, / 一頂花轎到門邊; / 大哥打辦紅羅傘, / 二哥打辦金鳳針,/ 胭脂水粉三哥買,/ 腳著花鞋四哥裝,/ 五哥便買廣州箱, / 綠檯綠椅六哥裝, / 七哥便買潮州槓, / 八哥便買象牙床,/ 九哥便買猴子箱;/ 十個阿哥,/ 十個阿嫂,/ 十個兵馬伴姑娘, / 行到橋頭燒炮仗,/ 边个够佢甘鬼响! 猜呈沉 咚啄,/ 紫姜、/ 大笨象,/ 揸支枪,/ 去打仗,/ 打完仗, / 返嚟食碗辣椒酱,/ 隔篱屋企烧炮仗,/ 问你响唔响,/ 唔响奖你两巴掌。 “雪”滑梯 细蚊仔,/ 雪滑梯,/ 因住跌落嚟,/ 咪学陈德贵,/ 成日流鼻涕,/ 跌亲个箩柚唔好睇。 过天梯 过天梯,/ 虾矮仔,/ 人在云东过到西,/ 唔怕米贵就最怕矮。 做大戏 黑面李逵,/ 红面关公,/ 三国水浒乱晒龙,/ 打败清兵系英雄。 弹象棋 打棋子,/ 靠眼屎/ ,全凭眼界靠本事,/ 唔好睇错认够屎。 画乌龟 乞儿仔,/ 画乌龟,/ 一人一笔咪乱嚟,/ 最后果个人衰仔煮饭仔 煮饭仔仔先落米,/ 风炉透火柴对齐,/ 千其唔好咁拿西,/ 我哋係细蚊仔。 打马仔 一人骑角马,/ 两人骑猪乸,/ 三步要埋头,/ 撞到面就打。 斗辣椒 红辣椒,/ 绿辣椒,/ 平时你镲嘴藐藐,/ 今日你无胆同我撩。 放臭屁 鬼叫你甘贪心,/ 闻佐我个屁,/ 索入佐个鼻,/ 我要你赔返二两四。 味水底 味水底,/ 摸泥沙,/ 摸到泥沙当金龟,/ 摸吾到系契弟。 钻台底 陈德贵,/ 住得矮,/ 床下底有只鬼,/ 吓到佢钻台底。 淡水沙梨 淡水嘅沙梨,/ 脆甜南华李、/ 三华李、/ 蛋黄李,/ 爽甜得嚟带有桂花味。/ 帮衬吓啦,/ 伊道的生果冇得比。 好多好多既呢D歌仔,编织出我地童年一个又一个既美梦,陪住我地玩完一个又一个既游戏。 究竟有边几首系你成日唱,或者到呢家都仲识得背咖?写低落黎同我地一起分享下啦!! |
牛毛 牛 于 2010-06-28 23:29:22 编辑
---------------------------------------- |
|
2010-06-29 00:07:08 |
Post #62
Re: 【流逝的时间,永远的记忆】 --T 060 继续 ... |
牛毛 牛 |
戏肉黎啦! 连续几年,每到6月最后一个星期日就系落雨既日子,都唔明点解我地会甘“贵人”既。 琴日贵人一行6个人,用作七个半钟,行佐26个点,跑佐大半个旧广州,沿途留底好多脚毛做路标。 终于系4:53翻到中华广场。赶到脚痛啊,阴功! 旧年一样甘多既时间,我地跑佐35个点,今年老了,退步了。 阿茶话“无动力了”! |
牛毛 牛 于 2010-06-30 22:13:54 编辑
---------------------------------------- |
|
2010-06-29 06:59:33 |
Post #63
Re: 【流逝的时间,永远的记忆】 --T 060 继续放牛 |
乖乖海豚 | 呢个一定要顶 |
---------------------------------------- |
|
2010-06-29 10:53:54 |
Post #64
Re: 【流逝的时间,永远的记忆】 --T 060 继续 ... |
kenxiao |
牛毛 牛 wrote: 都话我无相咯,D相系肥恩同绿茶个到啊。 我今年都无去行,唉。。。。。。。 途中见到元元同我表哥,距地两个已婚人士居然唔肯派利市比我。 甘你抓他地请你FB咩得罗 |
---------------------------------------- |
|
2010-06-29 10:58:51 |
Post #65
Re: 【流逝的时间,永远的记忆】 --T 060 继续 ... |
牛毛 牛 |
kenxiao wrote: 甘你抓他地请你FB咩得罗 我想抓你啵,你几时请我食饭啊?! |
---------------------------------------- |
|
2010-06-29 11:09:42 |
Post #66
Re: 【流逝的时间,永远的记忆】 --T 060 继续 ... |
雷德幻象 | yah~,我地27个,好彩咁都比我搵到少少安慰........哈哈! |
---------------------------------------- |
|
2010-06-29 11:28:55 |
Post #67
Re: 【流逝的时间,永远的记忆】 --T 060 继续 ... |
paradiserain |
牛毛 牛 wrote: 戏肉黎啦! 连续几年,每到6月最后一个星期日就系落雨既日子,都唔明点解我地会甘“贵人”既。 琴日贵人一行6个人,用作七个半钟,行佐26个点,跑佐大半个旧广州,沿途留底好多脚毛做路标。 终于系4:53翻到中华广场。赶到脚痛啊,阴功! 这个线路不错,适当延长可以搞个广州百公里,届时一定参加 |
---------------------------------------- |
|
2010-06-29 13:13:21 |
Post #68
Re: 【流逝的时间,永远的记忆】 --T 060 继续 ... |
牛毛 牛 |
雷德幻象 wrote: yah~,我地27个,好彩咁都比我搵到少少安慰........哈哈! 其实,我怀疑出发前我有离远见到你,你个日系咪带鸭舌帽? |
---------------------------------------- |
|
2010-06-29 16:16:11 |
Post #69
Re: 【流逝的时间,永远的记忆】 --T 060 继续 ... |
真言 |
吾错,吾错。。。。顶一下! 我仲记得唱:鸡公仔,尾拖拖。。。 落大雨,水浸街。。。 |
---------------------------------------- |
|
2010-06-29 17:34:04 |
Post #70
Re: 【流逝的时间,永远的记忆】 --T 060 继续 ... |
牛毛 牛 |
真言 wrote: 吾错,吾错。。。。顶一下! 我仲记得唱:鸡公仔,尾拖拖。。。 落大雨,水浸街。。。 究竟应该系“尾弯弯”定系“尾拖拖”咖? |
---------------------------------------- |
|
2010-06-29 22:48:54 |
Post #72
Re: 【流逝的时间,永远的记忆】 --T 060 继续放牛 |
牛毛 牛 |
今晚同我偶像分享我关于做一个“广东音乐”主题既谂法,结果俾偶像问我问到口哑哑,唔知应该点答距先好。 系啊,究竟我地做“发现广州”系为乜既呢?纯粹为做而做?定系。。。。。。? 究竟我地呢家既“发现广州”内涵有几多呢?? 如果俾你黎做下一届“发现广州”既组委,你会将活动目的定位系边到? 假如你系参赛者,甘你又会想系广州发现出D乜呢? [欢迎跟帖讨论] |
---------------------------------------- |
|
2010-06-30 10:52:30 |
Post #73
Re: 【流逝的时间,永远的记忆】 --T 060 继续放牛 |
舒娃娃 | 哈,睇返D歌仔真是有意思 |
---------------------------------------- |
|
2010-06-30 16:58:05 |
Post #75
Re: 【流逝的时间,永远的记忆】 --T 060 继续 ... |
牛毛 牛 |
哇,我地个靓女队长黎啦!! |
---------------------------------------- |
|
2010-06-30 16:59:04 |
Post #76
Re: 【流逝的时间,永远的记忆】 --T 060 继续 ... |
牛毛 牛 |
队长话要讨论完先出发喔,大家快D睇下题目先啦! |
---------------------------------------- |
|
2010-06-30 17:00:02 |
Post #77
Re: 【流逝的时间,永远的记忆】 --T 060 继续 ... |
牛毛 牛 |
搞掂,影翻张大合照,然后就出发了!! 距地上路,我就要离队了!! 你地加油啊! |
---------------------------------------- |
|
邀请xuliang1215参加此活动